Kalaallit Nunaanni takornariartitsineq

Takornariat amerlassusiat aasaanerinnaani amerlanersaasarput. Qaammatit takornariat tikittartut amerlanerulerfii ikinnerulerfiilu takornariat amerlanerpaaffiinut qaninnerpaapput, tassani takornariat amerlassusii appasingaatsiartarlutik. Ukiuunerani takornariat ikinnersaasarput.

 

Kalaallit Nunaannut takornariat nunanit arlariinnit aalajangersimasuneersuupput. Takornariat amerlanerpaartaat Skandinaviaminngaanneersuupput, pingaartumik Danmarkimiit. Takornariat sinneri nalinginnaasumik Europap avannaaneersuupput.

 

Takornariaqarneq allaaserineqarsinnaavoq hotelini, sømandshjemmini allanilu unnuisartunut kisitsisitigut paasissutissat atorlugit. Titartagaq 1-mi takuneqarsinnaapput unnuinerit amerlassusaat kiisalu tikeraarnerup agguaqatigiisillugu sivisussusiat.

 

Tikeraat takornariallu unnuisartut sanilliunneqarsinnaanngillat. Takornariaq arlalinnik tikitaqarniarluni hotelinilu arlalinni unnuisarniarlunilu aalajangersimasoq taamaalilluni tikeraatut unnuisutut arlaleriarlugu kisinneqartussaavoq.

 

Titartagaq 1

2010-mi inuit unnuisut amerlassusaat unnuinerisalu agguaqatigiissillugu sivisussusaat qaammatikkaartumik

Najoqqutaq: Naatsorsueqqissaartarfik

 

Titartagaq 2

2010-mi kommunit unnuiffigineqarneri

Najoqqutaq: Naatsorsueqqissaartarfik

 

Kommunit unnuiffigineqartarneri titartagaq 2-mi takuneqarsinnaapput. 2011-mi unnuisarnerit nalunaarsorsimasut qaammatikkaartumik agguataarnerat takuneqarsinnaapput titartagaq 3-mi.

 

Titartagaq 3

2011-mi unnuinerit qaammatinut agguataarnerat

bank.stat.gl/TUNTHON

Najoqqutaq: Naatsorsueqqissaartarfik

 

Titartagaq 4

2011-mi unnuinerit sumiuussutsinut agguataarneri

Malugiuk: Europap sinnerani nunat makku pineqarput: Sverige, Norge, Island, Tyskland, Frankrig, Italien, Holland, England aammalu Europami nunat allat.

bank.stat.gl/TUNTHON

Najoqqutaq: Naatsorsueqqissaartarfik

 

Kalaallit Nunaanni unnuisarfiit 59-it missaaniipput. Tassani pineqarput hotelit, sømandshjemmit, vandrehjemmit højskolillu. Tabel 11-mi takutinneqarpoq init attartorneqartut amerlassusiat kommuninut immikkoortillugit.

 

Kalaallit Nunaannut umiarsuit takornariartitsisut ukiuni kingullerni tikittartut amerleriarujussuarput, takuuk takussutissiaq 1.

 

2009-mi umiarsuit takornariartaatit nutaamik akitsuuteqalerput, taamaalilluni nutaamik akitsuusersuinikkut umiarsuarnut amerlanerusunut umiarsualivissinnissaq orniginarnerulerpoq. Peqatigisaanillu umiarsuarmik takornariartut amerlassusii eqqoqqissaartut kisitsisaatigineqalerlutik.

 

Tikittartuni umiarsuit takornariartitsisut annerusut minnerusullu pineqarput.

Umiarsuarnut takornariartaatinut sanilliullugu Kalaallit Nunaata inissisimaffia Europap Amerikallu avannaata akornanni umiarsuit ingerlaarfigisartagaanni inissisimalluarpoq.

 

Taassuma saniatigut umiarsuit takornariartitsisartut arlaqartut aasaanerani aalajangersimakannertumik aalajangersimanngitsumillu ingerlaartarfillit kalaallit umiarsualivii arlallit tikittarpaat, taakkunani ilaasut taarserartarput. Umiarsuit taakku mikinerupput, sinerissami umiarsualiviit arlallit tikiffigisarlugit, taakkunanilu ilaasut paarlaattarlutik.

 

Umiarsuartigut takornariat takornariatulli hotelini unnuisartutut neriniartarfinnilu nerisaqartutut kaaviiaartitsinermik pilersitsineq ajorput. Umiarsuartigut takornariat Kalaallit Nunaanni aningaasartuutiginerusartagaat tassaapput angalatitsisunut akiliinerit tammajuitsunillu pisinerit. Umiarsuarnulli takornariartitsisut tikinneranni aaqqissuussat suli ineriartortinneqarput, taamaalillutik neqeroorutigineqartartut assigiinngiiaarnerujartorput.

 

Umiarsuarmik takornariartunut akitsuut ilaasumut ataatsimut 525 kr.-qarpoq.

 

Takussutissiaq 1

Uminarsuarnik takornariartaatit tulanneri ilanngullugit

	2006	2007	2008	2009	2010
Umiarsuit takornariartaatit	33	37	42	32	43
Tulannerit	161	148	165	103	107
Ilaasut	22.051	23.506	28.891	26.976	30.271

stat.bank.gl/TUNKA

Najoqqutaq: Naatsorsueqqissaartarfik